Google Chrome siç duket qysh prej vitit të kaluar ka qenë duke përjetuar rritje të vazhdueshme të pjesëmarrjes në tregun e Shqipërisë, dhe gjatë fillimit të këtij viti ka arritur të kalojë Internet Explorer-in dhe të kalojë në vendin e dytë. Kurse tani ka rreth 35 për qind të tregut.

Bazuar në statistikat e StatCounter, del se në Shqipëri shfletuesi më i përdorur në tre muajt e fundit është Fierfox me një pjesëmarrje prej rreth 45 për qind, kurse në pozitën e dytë vie Google Chrome me një pjesëmarrje prej rreth 30 për qind, dhe më pas pason Internet Explorer me 23 për qind, dhe shfletuesit e tjerë kanë një pjesëmarrje tjetër më të vogël relevante.

Ajo që është interesant për sa i përket përdorimit të shfletuesve në Shqipëri është fakti sesi Google Chrome vazhdimisht është duke pësuar rritje kurse Firefox e Internet Explorer në anën tjetër janë duke pësuar rënie graduale.

Bazuar në komentimin e Elton, një lexues i PCWorld Albanian nga Shqipëria, duket se Google Chrome është një prej shfletuesve më të pëlqyer në Shqipëri, pavarësisht se nuk ka ndonjë arsyetim konkret pse ka një privilegj të këtillë ky shfletues.

Bazuar në statistikat e StatCounter, duke pasur parasysh rritjen e Chrome dhe rënine e shfletuesve tjerë, ka gjasa që shumë shpejtë të shohim edhe pozicionimin e Google Chrome, si shfletues numër një në Shqipëri.