[COLOR=”Black”]Kompania e sigurisë Symantec ka thënë se vrima në Internet Explorer do të vazhdojë të keqpërdoret, pavarësisht arnimeve të shpalosura gjatë kësaj jave.

“Sulmi ndaj Google është pjesë e së kaluarës. Por ne do të vazhdojmë të shohim keqpërdorime të mëtutjeshme të vrimave në Internet Explorer. Ai do të shfrytëzohet në një bashkësi të re të sulmeve” tha Kevin Hogan nga Symantec.

Symantec ka deklaruar se veçse ka parë një sulm të ri që ka si cak lëshimet në Internet Explorer. Firma ka raportuar se qindra ueb faqe që kanë host në Kinë, Kore të Jugut dhe Poloni përmbajnë kod të dëmshëm që është në gjendje të tejkalojë sigurinë në versionet e paarnuara të Internet Explorer 6.

Në këtë mënyrë trojani ju ofron hakerëve kontroll të plotë mbi makinën e infektuar.

Hogan thekson se është e domosdoshme që kompanitë dhe individët të arnojnë shfletuesit e tyre, apo së paku të avancojnë në versionin më të fundit të Internet Explorer. Symantec deklaron se masa tjera të sigurisë duhet të ndërmerren për të parandaluar keqpërdorime tjera në Internet Explorer 7 dhe 8.[/COLOR]