nga GJERGJI POGA

Afërdita Dreshaj ka arritur prej vitesh suksesin në Miçigan të Amerikës, si modele. Kurse në Shqipëri, ajo u bë e njohur vetëm pasi mori pjesë në “Miss Shqipëria 2007”, ku u shpall dhe shoqëruesja e parë e misit. Duke qenë se njerëzit prisnin që në fakt titullin ta fitonte ajo, Afërdita na mbeti në mendje
të gjithëve. Po kjo edhe për një arsye tjetër… Ato kohë përflitej se bukuroshja nga Mali i zi kishte një lidhje me këngëtarin Shpat Kasapi. Pas një heshtjeje të gjatë, pak muaj më parë çifti e pranoi lidhjen edhe publikisht. Afërdia tregon se ata të dy duhen shumë dhe se lidhja e tyre është serioze. As martesa, s`duhet përjashtuar

E ke fantazuar ditën tënde të dasmës? Çdo vajzë e imagjinon veten nuse dhe unë s‘bëj përjashtim.
Megjithatë për momentin jam e kënaqur edhe thjesht me dashurinë që i falim njëri-tjetrit, sepse jam shumë e zënë me karrierën. E rëndësishme është që ndihemi mirë me njëri-tjetrin,
kuptohemi dhe duhemi. Kjo na mjafton, të tjerat janë thjesht formalitete. Si e ke imagjinuar veten
nuse? Një herë madje, jam veshur si nuse… Hahaha. Do doja që atë ditë të isha më e bukur se kurrë, po rëndësi ka që do të jem përkrah princit tim të kaltër.

Burimi Panorama Plus